Awstraliaanse tillevisienètwèrke trögkgeflaote nao 't braeke vanne gebroekscode/Veldeke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
zaoterdig, september 24, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
De Awstraliaanse nètwèrke Zeven en Tieën zeen trögkgeflaote dore oetzènjingsregelieër, de Awstraliaanse Communicatie- en Media-auteriteit (ACMA) veur ónzjuus en ónieërelik oetzènje.
De nètwèrke höbbe de Awstraliaanse reklaamtillevisiegebroekscode twieë kieër gebraoke nao 'n handjgeheim boeten 't gerèch in Melbourne in april 2010, wen 'ne cameraman van Kenaal Neuge, Simon Fuller, Gad Amr, de vader van 'nen aangeklaagdje ópsteuker, 'nen terroris nömdje.
De Awstraliaanse Mienserèchtecommissie bewaerdje det de nètwèrke Amr de impressie lete gaeve det t'r zie gedöldj mit Fuller euver 't filme van ziene zoon Omar verlaor. De ACMA bevónj ze braekendj mitte code, doordet ze neet zjuus en neet ieërelik hadde gehanjeldj door de confrontatie tuine zónger 't stök mit "terroris" te laote zeen, det door Fuller gezag waar.
De nètwèrke hadden ouch neet laote zeen det Amr Fuller al dökker gevraog had óm te stoppe mit filme — namelik 25 kieër — zoea tèldje de Awstraliaanse petzènjingscorporatie Media Watch.
De ACMA beslaot det ze neet de codes veur rasj, etniciteit of religie gebraoken hadde.
Aafgeloupe waek, beslaot de ACMA det Zeve de code al had gebraoke door McDonald's reklaam tiedes kinjerprogramma's te laote zeen.
Brónne
[bewirk | brón bewèrke]- Clare Kermond. "TV networks censured over misleading editing of 'terrorist' video footage" — The Age, September 22, 2011
- Colin Vickery. "Australian TV networks found guilty of breaching code of practice" — Herald Sun, September 21, 2011
- Tim Dick. "Seven and Ten reprimanded over 'terrorist' gibe" — Sydney Morning Herald, September 21, 2011
- Stephen Brook. "Seven, Ten failed to report news fairly" — The Australian, September 21, 2011