Naar inhoud springen

Awstraliaanse columnis beleidigde, vernederde en veel vlakgekläörde Aboriginals

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

vriedig, september 30, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

Andrew Bolt, 'ne conservatieve commentator, haet de rassediscriminatiewèt gebraoke, naodet t'r e paar nuujsartikele in 'n gezèt gezat haet in 2009 wo det t'r vlakgekläörde (neet hieël duuster) bekritiseerde det ze zich es Aboriginals identificeerdje.

Van 't Awstraliaans Federaal Gerèchshóf zag rèchter Mordecai Bromberg: "Ich höb blie det vlakgekläördje Aboriginals (of inkele van 'm) rejelikerwies mesjien waal beleidig, vernederdj, besjólje of geïntimiteerdj ware door de impuraties die 't artikel inne gezèt maakdje. Miense mótte vrie zeen óm zich vóllig mit häör eige ras te kinne identificere zónger de angs veur publieke aafkäöring of e verlees aan aanzeen door zich zoea te identificere."

De artikele, genaamp "'t Is herstikke hip óm zwart te zeen" en "Wiete matties in 't zwart", woren oetgebrach gewaore dore "Herald Sun" enne "Weekly Times" in 2009, mit daobie twieë blogposts oetgebrach óppe website vanne "Herald Sun".

De nege aanklagers ware "zjubilant" naodet 't vonnis koom. Luuj die wèttelike acties taenge Bolt óngernome ware Geoff Clark, veurmaolig lid vanne ATSIC, Larissa Behrendt, academicus, Graham Atkinson, "native title expert", Wayne Atkinson, academicus, Mark McMillan, advekaot, Pat Eatock, activis, en Bindi Cole, kónsteneer. Zie zagte det de artikele van Bolt häör beleidigdje, kwaod maakdje en óntmeinigdje, terwiel die (artikele) impliceerdje det ze zich es Aboriginals veurdeje veur häör persuuenlik gewin.

Neil Young, de advekaot van Bolt, zag in 't gerèch det de artikele 'n waore reflectie van 't geluif van ziene cliënt woren en woren oetgebrach veur vólksinteresse. "Al det gezag gewaoren is, ouchal is 't gekläördj oetgebrach, is rationeel verwantj aan 'n thesis die 'n óngerdeil van vólksinteresse is," aldus Young.

Bolt zag det zien sjrieve ieërelik woor en binne de provisie vanne vrieheid van spraok en de wètte die die vrieheid waorbórge. Ron Merkel, QC vanne aanklagers, zag det zien cliënte neet vrieheid van spraeke wóllen aanvalle en hae zag det terwiel 't Bolt vrie steit zien eige meining te verkóndige, hae neet de nege individuë die in 't artikel vermèldj gewaore stinge had mótten aanvalle.

De rèchter, Bromberg, zag 't gerèchshof det Bolt zien artikel eder resonabel lid vanne Aborinalsgemeinsjap zów höbbe beleidig en veugdje toet det de artikele feitelik gezeen ónkrek waren en neet vanoet goje wil gesjreve ware. "Ich bön blie det zowaal Bolt es de Herald enne Weekly Times zich mit praktieke bebezigdje dae in stried ware mitte sectie 18-c vanne wèt taenge rassehaat."

Bolt besjreef 't vonnis es "'ne versjrikkele daag veur meiningsoeting in dit landj" en veugdje toe: "'t Is in 't biezönjer 'n restrictie óppe vrieheid van alle Awstraliane óm multiculturalisme te bediscussiëre en ouch óppe meneer woróp luuj zichzèlf identificere."

Eatock, 'n prominente activiste en de houfaanklager, zag det ze neet dach 'n spietbetuging van Bolt te gaon kriege. "Ich krieg noeats spiet [of veróntsjöljiging] te huuere van Bolt. Hae haet det dudelik gemaak mit zien bewies aan 't begin van dit jaor, meh weer zölle, haopelik, 'n vorm van toebekinning kriege dore media det wetdet t'r sjreef gweun ónacceptabel woor, gans. Hae zaat klaor óm vanaaf 't ieëste waord toet 't lèste door te blieve besjöljige en beleidige en det goof t'r ónnans toe in zien bewieze inne rèchzaal."

Brónne

[bewirk | brón bewèrke]




Dit artikel besleit aad nuujs en maak deil oet van oos arsjief van nuujsberichte.

Aafkómstig van "https://li.wikinews.org/w/index.php?title=Awstraliaanse_columnis_beleidigde,_vernederde_en_veel_vlakgekläörde_Aboriginals&oldid=2020"