Awstraliaans Kenaal 7 brèk kinjerstanderd veure tillevies door McDonald's reklaam/Veldeke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
donderdig, september 15, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
De Awstraliaanse Communicatie- en Media-auteriteit (ACMA) haet beslaote det 't Awstraliaanse Kenaal 7 de tillevizieregels gebraoken haet door 15 sekónd lange McDonald's reklaam tiedes e kinjerprogramma oet te zènje.
De reklaam, 'ne speelhaofcampagne, woort 72 kieër getuind in óktoeaber en november van 2010 tiedes tillevizieoetzènjinge in Melbourne, Sydney, Adelaide, Brisbane en Perth.
De DDB-ad-agency en OMD-media-agency wore mit de campagneóntwikkeling in aanraking.
De reklaam woor 'n nètwèrkpromoosje inne mert, meh Kenaal 7 koom d'r neet in veur. De ACMA zag det de reklaam veur 't restaurantj waar es t'r gólje gewèlve in veurkome, juus wie de personages Grimace en Hamburglar.
De campagne waar gefilmp in Customs House in Circular Quay, Sydney.
De oet 2009 kómmendje Children's Television Standards verbijjen 't óm reklaam oet te zènje veur sjoealtied en hèltj 't deils taenge róndj anger kinjeroere. ACMA-veurzitter Chris Chapman zag: "De ACMA blief t'r serieus óm, óm kinjer te besjerme tiedes häör kiekeoere, deils vanwaenge häör ónwaerbaarheid tange vorme van reklaam die neet good aangegaeve waeren of potentieel euvermaotig invloodriek kinne zeen." 'ne Waordveurder van Kenaal 7 zag: "Weer acceptere de ACMA-oetkóms en zeen bezig óm de veuraafgäöndje probleme óp te lósje in de regels óm ózze processe te verbaete."
McDonald's haet ingestömp mitte ACMA euver 't plaatse van de reklaam. "McDonald's Australia is zieër teleurgestèldj det de reklaam tiedes CP-tied geplaats woor," zag 'ne waordveurder van McDonald's taenge AdNews. "Deze rklaam waar neet door McDonald's geproduceerdj, mer waal door Kenaal 7. Weer nömme dit hoeag óp en 't geit óm verantjwäörd reklamere wen 't óm kinjer geit."
Kenaal 7 kreeg gein boete vanne ACMA. 't Kenaal mót 'n controleproces inveure veur alt non-programmateriaal óm P-oere oetgezónje wuuertj.
Dit artikel besleit aad nuujs en maak deil oet van oos arsjief van nuujsberichte.
Brónne
[bewirk | brón bewèrke]- Nic Christensen. "Seven censured over McDonald's ad shown in children's programming" — The Australian, September 15, 2011
- Miro Sandev. "Seven lashed for breaking children's advertising rules" — bandt.com.au, September 14, 2011
- Tim Dick. "Seven censured over covert McDonald's adverts to children" — The Sydney Morning Herald, September 14, 2011
- Frank Chung. "Maccas distances itself from Seven breach" — AdNews, September 14, 2011
- "Seven guilty of 72 breaches of the rules on advertising McDonald’s to children" — mUmBRELLA, September 14, 2011
- AAP. "Seven breaches Children’s TV standards" — ninemsn, September 14, 2011