Automobilis zuutj wouf loupen in Mieëldere

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 3 mieërt 2018 - 'nen Inweuner van Mieëldere zaet saoterdigs smörges 'ne wouf te höbbe gezeen in 't boetegebied tösse Mieëlderen en Brokeze.

Aldusse bieëstezeuker zoog t'r 't bieës t'r huuegdje van 't Sjuutwater de Haorsterwaeg euverstaeken en richting Lottem verzwinje. "Ómdet ich hieël lankzem voor dore snieë en ómdet de wouf sjienbaar geine spooj haw, wós ich zeker det ich 't good höb gezeen. Hoondervel! Dach ieës aan 'ne loosloupendjen hóndj, meh deze waas te groeat. Van korterbie wore dudelike zienen diekke stert en lang, slanke puuet herkènbaar."

Saer róndje jaorwusjeling 'ne mit 'ne zender oetgerösdje wouf door Limbörg vanoet Pruusjes op 't Belsj aan is getróch kómmen in Nederlandj versjillige meljinge veurbie van luuj die dinken 'ne wouf te höbbe gezeen.

Zoea mèntj 'ne jaeger veurige waek in Roerdalen 'ne wouf te höbbe gezeen. Die meljing is aevel ónbestaetig. 't Feit det daen zelvendjen aovendj kortbie twieë loosgebraoke Mechelder sjieëpers zeen gevange wore dore bieësterkrankewage trèk die waornumming in eder val in twievel.



Dit artikel besleit aad nuujs.