Auto kump terech in zinkgaat in Berg-ane-Roer

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 10 mieërt 2020 - Stinsdis smörges is in Berg-ane-Roer 'ne wage verzak inne waeg. Dit veurval passeerdje oppe kruutsing vanne Meulewaeg enne Kapittellaan. Hie waas 'ne breuk inne waterleijing, wodoor e zinkgaat óntstóng. Hiejin voor de wage zich vas.

Oppe waeg staon noe pilónne die mótte verkómme det zich nammieë verkieër vasveurtj in 't zinkgaat. Neet is bekandj of die dao ol stónge wie de wage waat zich haet vasgevare dao aankwaam. Ouch is neet bekandj wieväöl luuj inne wage zoten en of die bie 't óngelök verlets zeen gewore.

Luuj vanne gemèndje en ripperatäörs vanne watermaotsjappie zeen oppe plaats gekómme veure waterleijing te make. Hiedoor höbbe hoeshajes inne buurt veurluipig nag gei water, meh det zal meh tiejelik zeen.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.