Armeense demonstrante blokkere autobaan A76

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De regio Artsach of Hwoag-Karabach

Stein - 16 oktober 2020, Nederlanders en Belzje van Armeense aafkóms blokkeerde vriedigmörge de A76 veur aandach te vraoge veur 't conflik tösse Azerbeidzjan en Armenië en de Törkse inmenging.

De demonstrante lepe op de autobaan. Oppe grenseuvergank tösse Stein en Maasmechele in Belsje richting stóng 't verkjèr daodoor stil. De Belzje polisie waor ter plekke veur 't protes te beëindige. Róndj 8:30 oer waor de waeg weer vrie.

In d'n ban van corona
Initiatiefnummer Boghos Tekeyan zag dat hae geëmotioneerd waor. "Dit is 'nen oproop aan Europeane veur solidariteit mit de slachoffers van 't conflik en terrorisme. De waelt is noe in d'n ban van 't coronavirus. Daodoor zin de luuj neet oppe hwoagde vanne situatie tösse de twjè lenj en dao wille v'r aandach veur vraoge", aldusse Tekeyan.

Door 't conflik is volges 'm ouch 't aantal coronabesmettinge in Armenië opgeloupe. "'t Gjèf wjènig middele veur luuj mit corona te helpe." Ouch daoveur vreug hae aandach mèt 't protes. "'t Is e gevech van de ganse minsheid taege covid én terrorisme."

Jaorelank conflik
Aafgeloupe zwamer lepe de spanninge tösse de twjè lenj op. In september leep 't conflik, dat gepaard geit mit zwaor gevechte en geweld, wiejer oete hèndj. Armenië en Azerbeidzjan besjöldige einanger van 't sjende vanne wapestilstèndj van 1994. Dae woort aafgesproke nao 'nen oorlog euver de regio Hwoag-Karabach. De regio is de jure Azerbeidzjaans gróndjgebeed, mae wuurt zelfstendig bestuurd mit steun van Armenië. Dao woane veural Armene. De wapestilstèndj woort al mjèrder kjère gesjonde.

Proteste op anger plekke
Meugelik protestere Armene vriedig op mjèrder plekke in Nederlandj. Zwa ouch op de A16 bie Hazeldonk, 'ne wiechtige grenseuvergank ten zuje van Breda. Dao zaw 't volges Omroep Brabant óm 300 toet 400 demonstrante gaon.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.