Alle 18 de inzittendje ómgekaome bie vleegtuugóngelök Indonesië/Veldeke

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


zóndig, oktober 2, 2011


'ne CASA C-212 dae eigendóm is vanne Zweedse kuswach.

De ligkchame van al de 18 inzittendje van e vleegtuug det in 't wèste van Indonesië is neergestortj zeen zaoterdig gevónje. 't In Spanje oetbedachdje vleegtuug woort door PT Nusantara Buana Air gevlaogen en waar 'ne EADS-CASA C-212 dae in 1989 in Indonesië gemaak waar. 't Stordje vreug óp dónderdig neet. De reddingswirkers kóste de plaats slèchs dore lóch bereike óp zaoterdig, vanwaege slèchte waerómstenjighede en e roew terrein. De oearzaak van 't neerstorte is nag neet bekindj.

De ligkchame zeen van alle 14 de passenzjeers en veer luuj veure vleger zèlf. Veer vanne ómgekaomene wore kinjer. De wrakplaats woort vriedig vanoet de lóch gezeen en ligk inne Lauserberg óp 'n huuegdje van 1.524 maeter. Sunarbowo Sandi, 't houf van 't lokaal zeuk-en-redteam, zag det de reddingswirkers de ligkchame vasgebónje in häör steul aantróffe.

De vleger waar aanvenkelik gevónje mit ein vanne deure aop, det haop goof óp euverlaevendje in 't vleegtuug en d'rveur zorgdje det reddingswirkers aete en mediciene vanoete lóch nao de plaats van 't neerstorte deje bringe.

De verveursveiligheidscommissie van Indonesië geit 'n óngerzeuk verrichte nao de aerd van 't óngeval.

Familielede vanne slachóffers zeen gefrustreerdj euver de lankzame reactie vanne reddingswirkers. Rosmawati Harahap, die ziene zoon, zien sjoeandóchter en twieë kleinkinjer verlaoren haet bie 't óngelök, zag det "de reddingsoperatie väölste lankzaam en ónprofessioneel waar". De reddingswirkers zèlf wieze d'r ècher óp det ónveurzeen slèch waer aanvenkelik alle poginge ómme plaats wo 't vleegtuug loog te bereike neet doorgónge.

Brónne[bewirk | brón bewèrke]