AfD i Sakse en Brandeburg twieëde partei

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Heële - De AfD is bei de verkezinge zóndig in de Oeës-Dütsje deelsjtate Sakse en Brandeburg de twieëde partei gewoare. Lange tied leek 't d'róp dat de AfD in bei deelsjtate de groeëtste zouw weëde, mar de aafgelope weëk lepe de CDU en de SPD wer in. I Sakse is de CDU de groeëtste geblieëve, in Brandeburg de SPD. De Greune hant óch get procentpunte d'rbei gewónne. De ópkoms woar mit ruum 60% i bei deelsjtate hoeëger es in 2014, wie nog mar get minder es de haofsjeet van de keesgerechtigde hun sjtum oetbrachde. Wiewaal de SPD in Brandeburg de groeëtste is geblieëve, hat zie vöal kezesj verloare. I Sakse hat zie evvel 't sjlechste rizzeltaat oeëts behold. D'r oetsjlaag zal de positie vuur de SPD muiliger make. Heidurch kin d'r druk óp de partei touwnumme um oet 't kabinet Merkel-IV te sjtappe.

Oet siefere van de ARD bliek dat de AfD lüj hat gemobiliseerd die ieëder neet hant gesjtumd. In totaal geet 't um mieë es 223.000 kezesj. Mieë es 84.000 sjtumme koame va vuurmalige CDU-kezesj, 27.000 van aod-Linke-sjtummesj. Coalitievurming zal in bei deelsjtate e vrei lestig proces weëde. D'r Saksische minister-prizzedent Kretschmer (CDU) regeert noe nog mit de SPD. De zoeëgenaamde Kenia-coalitie va SPD, CDU en de Greune liekent meugelig, mar i Sakse ligke de CDU en de Greune inhaotelig wied oetee. Samewirke mit de AfD wil de partei evvel óneet. In Brandeburg regeert de SPD mit Die Linke. Dees coalitie hat ging mieërderheed mieë, mar 'n coalite mit de Greune liekent meugelig.


Brónne[bewirk | brón bewèrke]




Dit artikel besleit nuujs det zich recèntjelik haet aafgespeeldj.