Aerdsjöddel op Lombok; wanjelaers nog altied vas op völkaan

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich



Dit artikel sjteit gesjreve in 't AGL
intensiteitskaart van de aerdsjöddel

1 augustus 2018 - Nao d'n aerdsjöddel van d'n aafgeloupe zóndig op 't Indonesisch eilandj Lombok zitte hóngerde wanjelaers nog altied vas op de völkaan Rindjani. Ze höbbe zich gezameld bie e maer. Twie helikopters en zoeget 200 militaire zeen ingezat gewaore veur de wanjelaers te redde. Op 't momènt van d'n aerdsjöddel wore zon 700 wanjelaers op de berg dao.

D'n aerdsjöddel vónj zóndigmörge óm 6:47 (plaatsjeliken tied) plaatsj op 'n deepte van 6,4 km, en had 'n krach van 6,4. 't Epicentrum waas in Sembaloen. Väöl luuj waerde in hunne sjlaop verrasj door de sjtókke. D'r vele 16 doeje en mier es 300 gewónje. Óngevier doezend wuninge zeen gans of deils verweus gewaore door de sjöddel.

Lombok is 'n póppelaer besjtömming ónger toeriste.


Brónne[bewirk | brón bewèrke]



Dit artikel besleit aad nuujs.