Achtervolging drietaal van Remunj nao Zwame
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 9 augustus 2021 - Inne nach van zónjig op maondig haet me drie jóng manskaerele mótten aanhaje nao 'n achtervolging van Remunj nao Zwame. De manskaerelen hawwen 'ne laeftied van 19 en 20 jaor en komen oet Breda en Etten-Leur (in Braobantj). Zie vore mit väöl vaart euveren Dónderbergwaeg. De wage worin zie voren haw gèn kinteikenplate d'rop.
Daorop zatte de pliesse de achtervolging in. Zie volgdjen 't drietaal toet in Zwame. Twieë vanne drie men vlöchdje te voot wiejer; d'n angere woort drek aangehajen oppe Meulewaeg. De twieë vlöchters woorte naogezaete door 'ne pliessenhóndj dae de twieë kort daorop vónj in 'nen drekskóntaender ane Sint-Jansstraot.
De pliesse vónje inbraekersgesjieër inne wage. Daoveur zeen de manskaerelen aangehaje veur dinkelik deefstaal of inbraak.
Brónne
[bewirk | brón bewèrke]- Drie mannen aangehouden na achtervolging in Roermond. Merijn Metsemakers - 1Limburg, 9 augustus 2021
Dit artikel besleit aad nuujs en maak deil oet van oos arsjief van nuujsberichte.