Aanval op dörp in Naord-Nigeria: mier as 50 doeje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
8 mei 2018 - Bie 'nen aanval gister op Gwaska, e dörp in 't naorde van Nigeria (besjtuursregio Birnin Gwari), zeen volges de lètste berichte 51 doeje gevalle. Ónger de doeje zouwe 'n aantal kinjer van ónger de 10 zeen. 't Is nog ónbekènd wae achter d'n aanval zit. 't Dörp waerde ómringk en daonao euvervalle door 'n gewaopende bande. De aanvallers sjtoke hoezer in brandj en sjote willekäörig op de dörpsbewoeners. Sommige körper van de sjlachoffers zeen vermink gewaore.
De lètsten tied lieke in Birnin Gwari de plaatselik actief bandes loeter agressiever te waere. Ierder hadde ze 't veural gemuntj op 't sjtaele van vie. Veurige maond waerde in 'tzelfde gebeed ouch al 14 mienwèrkers gedoed. De lokaal bevolking dringk bie prizzedènt Buharia d'rop aan óm mier pelissie en milletaere in te zètte óm kwetsbaar dörper wie dees te besjirme. Bie zien aantraeje in 2015 belaofde de prizzedènt mier veiligheid.
Brónne[bewirk | brón bewèrke]
- Nigeria Kaduna: Bandits slaughter 51 villagers. British Broadcasting Corporation, 6 mei 2018
- Bloedbad in Nigeriaans dorp. NOS Nieuws, 7 mei 2018
Dit artikel besleit aad nuujs en maak deil oet van oos arsjief van nuujsberichte.