Aantal coronapatiënte in Limburg nump hel toe: 400 nuuj patiënte d'rbie
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Aantal Limburgers det de aafgeloupe waeke positief tesde op corona is hel gesjtege. De GGD's telde 400 nuuj coronapatiënte. Veurige waek goof 't nog 268. Veural in Venlo sjtieg 't aantal coronagevalle hel.
Det bliek oete lètste ciefers vanne twie Limburgse GGD's. Zès luuj woorte opgenome in 't krankehoes en ein persoen euverleej.
Veural Venlo sjpringk d'roet inne sjtatistieke: dao woorte de aafgeloupe waek 72 luuj positief getes op 't virus. De waek daoveur goof 't nog 29 en det is 'n sjtieging van bekans 150 percent. Ouch in Mesjtreech sjteeg 't aantal hel, van 39 nao 58. In Haelder en Remunj woorte get minder luuj positief getes: 19 respectievelik 17.
In Limburg zien noe 6.428 luuj positief getes. Bis noe zien 445 luuj in Zuud-Limburg en 316 luuj in Noord- en Midde-Limburg ane gevolge van 'n besjmetting mit 't virus gehiemeld.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.