Aantal besjmettinge in Limburg kump baove de hónderd

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Oetbraak van 't virus (tösse 12 jannewarie en 29 fibberwarie 2020)
Dit artikel sjteit gesjreve in 't AGL.

In Limburg zien zaoterdig 37 nuuj besjmettinge mèt corona gemeld. 't Totaal aantal gevalle in ós provincie kump daomèt op 104. Det meldt 't RIVM in zien dagelikse euverzich van besjmettinge. De helste toenames woorte genoteerd in de gemeintes Zitterd-Gelaen (van 23 nao 35) en Mejstreech (van 10 nao 16). In de gemeintes Eisde-Mergraote, Kerkraoj en Maasgoew is veur 't iers 'n besjmetting vasgesjteld gewaore bie 'nen inwoener.

Zuud-Limburg telt noe (zaoterdig 14:30 oer) 75 luuj bie waem 't virus is aangetuind: Zitterd-Gelaen 35 (+12), Mesjtreech 16 (+6), Baekdale 9 (+1), Haerle 4 (+2), Landjgraaf 4 (+2), Zumpelveld 2 (ónverenderd), Sjtein 3 (+2), Kerkraoj 1 (+1) en Eisde-Mergraote 1 (+1).

In Naord- en Midde-Limburg (29 besjmettinge) zeen de actueel ciefers wie volg: Piel en Maas 10 (+2), Hors ane Maas 3 (+1), Venlo 3 (+1), Leudaal 6 (+2), Nederwiert 3 (+2), Remunj 2 (+1), Gennep 1 (ónverenderd), Maasgoew 1 (+1).

't Aantal sjtörfgevalle door 't nuuj coronavirus in Nederlandj is zaoterdig gesjtege nao twelf, meldt 't RIVM. Vriedig sjtóng 't doejetal nog op teen. 't Totaal aantal luuj bie waem 't virus is vasgesjteld, is mèt 155 ómhoeg gegange nao 959.

De twie doeje betreffe net wie de anger gevalle ajer patiënte die al krank waore.

Zaoterdig zien minder nuuj positieve teste gemeld es vriedig, wie 't 190 goof. Volges 't RIVM kump det ómdet 't tesbeleid is aangepas gewaore. Vanaaf dónderdig weure luuj mèt milde klachte neet mier getes ómdet 't noe 'ne landelike maatregel guuef óm thoes te blieve bie de ierste klachte, maar ónger risicogroepe weurt waal mier getes.


't Is volges 't RIVM nog te vreug óm 't effek te zeen vannen oproop dae de euverheid dónderdig deeg óm sociaal contakte te vermindere.

Brónne[bewirk | brón bewèrke]



Dit artikel besleit aad nuujs.