Aanslaag Romans-sur-Isère Frankriek waas terrorisme
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 april 2020 - 't Frans gerich betrach d'n aanslaag vanne veurige zaoterdig in 't Frans stedje Romans-sur-Isère es 'nen terroristischen aanslaag. Hiebie wore zeve luuj deneergestaoke, wovan twieë zeen gestórve. De vorsjing nao de zaak is intössen euvergenómme vanne pliesse door 't PNAT, 'n speciaal aafdeiling die is opgerich wore veur terrorisme taenge te gaon in Frankriek. Boeten d'n däöjer zeen nag twieë luuj inne kieker kómmen op verdinking van betrochheid.
d'n Aanslaagplieëger waas 'nen drieëndertigjäörige Soedanees dae saer 2017 es vlöchteling in Frankriek wóntj. Toet zowied haw d'r nag gei straofblaad. Saoterdis smorges leep t'r róndj 10:45 ieës e toebaksgesjif in, wo d'r d'n eigenieëren en 'ne klantj neerstook. Daorop góng d'r 'nen angere winkel in wo d'r 'ne klantj neerstook dae stórf. Hierop staak t'r in 't centrum op willekäörige veurbiegengers in. Hiebie haet t'r islamitische wäörd gesjrieëf, wie Allahoe akbar. Róndj 11:00 oere woort de manskaerel euvermeisterd op 't gelei van Max Dormoy, wo d'r gekneeldj oppe stoep zaat en helop gebaeje waas 'nt preivele. Bieje manskaerel heim loge mitte pen gesjreve tekste mit 'n aanklach taenge Frankriek, "'t landj vanne óngeluivige".
Vanne vief verletsdje zeen al veer oet 't krankenhoes gekómme nao succesvol operaasjes.
Brónne
[bewirk | brón bewèrke]- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Justitie onderzoekt aanslag Romans-sur-Isère als terroristisch misdrijf. Het Laatste Nieuws, 5 april 2020
- Justitie onderzoekt aanslag Romans-sur-Isère als terroristisch misdrijf. NOS Nieuws, 5 april 2020
- Twee doden en vijf gewonden bij mesaanval in zuidoosten van Frankrijk: “Dader riep Allahu akbar”. NOS Nieuws, 5 april 2020
- Attaque au couteau de Romans-sur-Isère: l’état de santé des blessés est rassurant. Jérémie Pham-Lê & Geoffroy Tomasovitch - Le Parisien, 6 april 2020
Dit artikel besleit aad nuujs en maak deil oet van oos arsjief van nuujsberichte.