Aaj partiture hermenie Valkeberg geredj door in te vreze

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 5 augustus 2021 - 't Liek d'rop det de ruum 61.000 aaj partiture vanne meziekverein 't Keuniklik Walram Genaotsjaop oet Valkeberg geredj zeen naodet die ieës zeikesnaat gewore zeen. De resteratuuerse Saskia Hendriks haw de raod gegaeve die in te vreze; det bliek op ieëste keek good geholpe te höbbe.

't Hanjeltj zich óm blaadmeziek oet twellef kes die nao de euverstrouminge verlaore leke te zeen. De blajer wore doornaat en zote ram óngeren toter, wodoor de meiste velder onnimmieë vanein los te make wore. Ieës mèndje me det al verlaore waas, waat doeadzunj gewaes zów zeen; de oearsprunkelike meziekblajer gaeve namelik 'nen inkeek inne gesjiechte vanne verein.

Mit e deil men vanne hermenie haet me doe nao 't inwinne vanne raod de partituren ingevraore. De laeg vrezers daoveur wós me te vinje bie 'n aaj slechterie die e groeat aantal laeg vreeskiste t'r besjikking kós stèlle wo me de partituren in kós ligke. Dore blajer in te vreze trèk de vóch d'roet. De ieskristalle waeren ómgezatj in gaas, det aafgeveurd wuuert, wodoor de pepiere trögk oetzeen wie ieëre.

Meugelikerwies kan me mit dezen techniek ouch pepiere stökker van parteklere redde. Väöl luuj höbbe sjaaj aan häör persuuenlike spöller en door die in te vreze kan nag väöl herstaldj waere.

Brónne[bewirk | brón bewèrke]



Dit artikel besleit aad nuujs.