Aafval wuuert neet opgehaoldj doordet 't zoea gled is
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 fibberwarie 2021 - Doren iezel is 't hieël gled oppe waeg en kan d'n aafval inne gemèndje Baergen en Haors vandaag neet opgehaoldj waere. Dit hèltj verbandj mitte code roead van 't KNMI. In Baerge wuuert 't voel noe taengezaoterdig opgehaoldj en in Haors 't keukenaafval op dónderdig, meh de resaafval en PMD op zaoterdig. 't Waeralarm van 't KNMI is mit naam óm wie gled 't is doren iezel; de code geldj vanaaf 7:00 oere veur Limbörg, Greuninge, Drenthe en Euveriesel.
In Neejwieërt wuuert d'n aafval veurnoe nag waal gewuuen opgehaoldj. d'n Aafvalverwirker geit waal allein mit 't daagleech de waeg op veure veiligheid vanne voelnismen te verzekere, waat praktisch inhèltj det me pas vanaaf 8:00 oere begós is. 't Kan dus zeen det m'n 't neet haoltj oppertied al 't voel op te haole. Dao zeen ouch signale det in anger gemèndje geinen aafval opgehaoldj wuuert.
Ouch de lèste waek kós in e deil gemèndje gènnen aafval opgehaoldj waere. Det kwaam ómdet 't toe ouch ónverantjwuuerd waas de voelwages de waeg op te sjikke door 't ekstreem wintjerswaer. Toe haw me gènnen aafval opgehaoldj in Vindele, Haors, Genp, Wieërt en Neejwieërt. Al dees luipe zeen aevel al later ingehaoldj gewore, wodoor gei voel is blieve ligke.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.