ABN Amro duit spaarrente nao nól percent

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 15 jannewarie 2020 - d'n ABN Amro duit es ieëste groeate Nederlandjse bank de rente inhaje veur 't spaargeldj waat de luuj oppe raekening höbbe staon. Dees vernujing truuedj in op 1 april. Noed'ntied höbbe de spaerders biejen ABN Amro nag ummer 0,01 percent de jaor op 't tegood.

ABN Amro völg hiemit 't veurbildj van klènder banke wie Van Lanschot en Triodos Bank, wo spaerders al gelangentied gein rente mieë kriegen op vrie opnumbaar raekeninge. Me verwach det de anger groeate Nederlandjse banke, wie de Rabobank ennen ING, ouch de rente nao nól percent gaon bringe.

Rieker luuj die mieër es 2,5 miljoen euro oppe bank höbbe staon mótten onnan negatief rente van -0,5 percent gaon betale. Veur spaartegoed toet 100.000 euro haet d'n ABN Amro, juus wie de Volksbank (ASN, SNS en Regio) belaof det dao gein negatief rente euver geit kómme. Dees toezègking is neet gemaak doren ING enne Ranobank.

De lieëg spaarrente is e gevolg vanne lieëg mertrente enne boesserente die de banke mótte betale wen zie geldj stalle biejen Europese Centrale Bank (ECB). Dees köste mótte de banke veur e deil doorverraekenen ane klantje, wodoor de spaarrente ummer leger wuuertj.

Brónne[bewirk | brón bewèrke]

Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- ABN Amro zet variabele spaarrente op nul – vanaf spaartegoed van €2,5 miljoen geldt negatieve rente van 0,5 procent. Business Insider Nederland, 14 jannewarie 2020

Dit artikel besleit aad nuujs en maak deil oet van oos arsjief van nuujsberichte.