68-miljoenjäörige hejtenj vónjen in ENCI-mien
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 dieëtsember 2018 - Vief tenj van 'n oetgestorve saort aan mekrieëlhej (Squalicorax pristodontus) zeen vónjen inne ENCI-mien in Mestreech. Dit bieës laegdje van veur zoea 66 toet 68 miljoen trögk en kós 4 toet 5 maeter lang waere. 't Bieës laefdje toe in e groeat gebied, worónger Zuud-Limbörg. In daen tied, 't laat Kriet, waas hie namelik 'nen óndepe subtroeapische zieë. De skelètten en kalksjale vanne doeaj zieëdere zege nao de baom en stapeldje zich dao op veur e diek kalksteinpakkèt te vörme.
Dit kalksteinpakkèt luuetj zien späör nao inne mien. Allewiel kan me hie väöl fossiele van prehistorische bieëster vinje, wie van zieë-eechele, koraal, inkvèssen en ouch sjelpe.
d'n Ieëste vanne drie tenj woort op 17 november vónje door 'ne vriewilliger van Netuurmonumènte. Die hele namelik 'n róndjleijing veure Limbörgse aafdeiling vanne Nederlandjse Geologische Verein. Daonao op 1 dieëtsember vónj nag einen angere dao veer hejtenj bie. De mekrieëlhej broekdje die tenj veur zieësjildjkróddele, vèssen en anger bieëster op te vraete.
Saer 1926 broekdje me de ENCI veur kalkstein te winne, meh dao is me dit jaor mit oetgesjèdj. Noe wuuertj 't gebied ómgevörmp toet e netuur- en rekreaasjegebied.
Brónne
[bewirk | brón bewèrke]- Miljoenen jaren oude haaientanden gevonden in ENCI-groeve. De Limburger, 14 dieëtsember 2018
- Vondst in ENCI-groeve: 68 miljoen jaar oude haaientanden. Job Tiems - 1Limburg, 14 dieëtsember 2018
Dit artikel besleit aad nuujs en maak deil oet van oos arsjief van nuujsberichte.