5 miljoen oetgekieërd veur ónverzekerdje sjaaj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 dieëtsember 2021 - Dao is toet noe zoea 5,2 miljoen euro oetgekieërd veur sjaaj te vergeujen in Limbörg en Naord-Braobantj die óntstangen is dore euverstruiminge dit jaor. Dees verzekering kump oet 'n sjaajregeling vanne euverheid. Toet en mit goonsdig kan nag sjaaj gemaldj waere dao.
De regeling is ingezatj nao de euverstruiminge van julie en vallen óngere Wèt tegemootkómming sjaaj bie rampe. Hiebie wuuert ónverzekerbaar sjaaj vergeudj. Me kan namelik waal euverhoeage raengeval verzekere, mer euverstruiminge vanne Maas en anger revere meis neet.
De regeling waas te broeke door parteklere, bedriever, euverheidsinstèllinge, godsdeenstelike instèllinge, vereins en stiftinge. De regeling zelf wuuert oetgeveurd dore Rieksdeens veur Óngernummendj Nederlandj. Zoea kan me mitte regeling e deil vanne köste dore watersjaaj vergeuje. Me kan dan dinken aan evakkeweringsköste, sjaaj ane wage, de weuning enne bemuibeling.
Óm ganse zeen toet goonsdig 2242 meljinge gemaak van watersjaaj bie de Rieksdeens. 't Euverdeil vanne meljinge, det aankump op 20 perzent, hanjeltj zich óm oprumingsköste, daorop sjaaj aan weuninge (16 perzent) en sjaaj aan bemuibeling (14). d'n Tössestandj noe is det 2216 bie d'n taxateur ligke, 583 verslaeg ligke trögk bie de meljer en 227 kieër is de sjaaj al oetbetaaldj.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.