Ópvallend: ach groade versjil óp 60 meter i Ville

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Heële, d'r 30e december 2019 - Weë in de Zuud-Limburgse huëvele zóndigoavend e kót sjukske góng sjpatsere, kós te make kriege mit groeëte temperatoerversjille.

I Ville tikde 't kwik um get vuur 21:30 de ach groade aan, dewiel 't koom zestig meter lieëger, in 't daal bei Mamelis, -0,2 groade woar.

Volges weerman Thijs Zeelen hat dat te make mit 'n druëg lóchloag boave 'n kouw lóchloag aa g'ne grónk. "Dees situatie heesj 'inversie'", verdütsjt heë. "In e hoeëgedrukgebeed, zoeëwie zóndig, zörge dalende lóchbeweëginge devuur dat de boavelóch ópwermt. Dalende lóch in e hoeëgedrukgebeed weëd boave de zjwoarder en kaoder lóch ineegepeësj en wermt óp. Dink beivuurbild aan 'n fietspómp: die weëd bei 't óppómpe van de beng óngerin óch wermer."

Ville zoot dus boave de inversie in de wermer en druëger lóch en doa woar 't aangenemer es in 't daal. "Normaal weëd de lóch kaoder es te huëger kóms, mar mit 'n inversie is dat dus neet 't geval." Dat woar good te zieë doe ieëder óp d'r daag geliek uëver de grens, in 't Dütsje Esse, 'ne weerballón woeëd ópgeloate. Deë registreerde vief groade aa g'ne grónk en drei groade mieë óp óngeveër doezend meter huëgde. Vervolges zetde weer de normaal daling van 't temperatoer in.

Datzelfde effek is óch moandig good te merke. De temperatoere in 't Huëvellank kinne dan óplope bis ach groade Celsius uëverdaag. Óp de hoeëgste toppe kin 't kwik zoeëgaar de tieën groade passere, verwach Meteo Limburg.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.