Óppernuuds aerssjóddel in Naordj-Italië
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Óp 29 mei haet 'nen aerssjóddel van 5.8 óppe sjaal van Richter 17 doeaje, mieër es 350 zwaor gewónj en mieër es 15.000 daakloeaze veroearzaak. De 15dje-ieëfsje kattedraol van Mirandola, dae al zwaor besjajig waar nao de aerssjóddel van 20 mei, stórdje nao de sjoek in. De aerssjóddel waar te veule in 't grótste deil van Naordj-Italië; sjoeale en anger geboewer woorte evacueerdj. Sommige geboewer inne Modena provincie en ómligkendje gebeje, die al doren ieësten aerssjóddel besjajig ware, zeen ingestórtj.
Nao de ieëste sjoek van 20 mei wore d'r al väöl inspecties bezig óm te bepaole waatfer geboewer veilig waren óm weir te betraeje. De aerssjóddel van 29 mei vónj euverdaags plaats, dewiel väöl luuj 'nt wirke ware. Zjuus wie bie de veurige sjoek wore väöl slechoffers wirkers van groeate warehoezer en febrieke. Lokaal vekbönj höbbe 'n óngerzeuk ge-eis óm te bepaole wae det verantjwäördjelik is veur 't toestaon van bedriever óm weir in wirk gestèldj te waere.
Zowaal d'n aerssjóddel op 20 mei, es dae op 29 mei höbbe zwaore sjaaj inne naoberprovincies Reggio Emilia, Rovigo en Mantua veroearzaak.
Dit artikel besleit aad nuujs en maak deil oet van oos arsjief van nuujsberichte.