Óngeauteriseerde autobiografie van Assange verköp slech/Veldeke

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

vriedig, september 30, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

Óndanks copieuze publiciteit, haet de óngeauteriseerde autobiografie van de óprichter van Wikileaks, Julian Assange, die dónderdig, 22 september, oetgebrach gewaoren is, minder es zevenhóngerdj kopieë verkóch die waek vólges Nielsen BookScan.

Assange zien autobiografie, oetgegaeve door Canongate oetgaevers zónger zien mitweite, haet väöl aandach inne media óntvange. Toch leet Nielsen BookScan, de salesfiguremonitor, zeen aan de laezers det dees waek slechs 644 kopieë van 't book verkóch ware gewaore.

"The Bookseller" magazine vermèldje det Assange zien autobiografie koom slèchs óppe vieftigste plaats bie de bessellers dees waek veure helrögke non-fictie beuks en 537ste van alle beuk dees waeks.

De oetgaever dae in Edinburgh zit, Canongate, loesterdje neet nao de wönsj van Assange det 't book euver zien persuuenlike memoires neet doorging, ouchal had t'r zich ieëder al gedistantieerdj van alle betrókkenheid mit 't projek en had t'r zich trögkgetrog van 't miljoenekóntrak veur 't oetbringe van 't book. Volges 'ne brón vanne "Guardian" gebroekdje Canongate stèrke veiligheidsmaotregele óm d'r veur te zorge det Assange 't oetbringe van 't book neet kós veurkómme.

In mieërt, naodet t'r de ieësten ópzat gelaezen had, leet Assange de oetgaevers weite det t'r neet lenger mit wól doon mit 't oetbringe van 't book en 't zelfs neet wól laoten oetgaeve. Óp 7 juni verleet t'r formeel gezeen 't projek.

Nao huuere zègke besjrief 't book de kinjertied van Assange in Awstralië, wiedet t'r zien leefdje veur computers ópdij en wiedet t'r geobsedeerdj woort door hacke, 't óprichte van Wikileaks en gebäörtenisse die leidje toet spraeke van sexuele telasligking in Zwede. Assange zag taenge Canongate det 't book waal 'ns inne VS gebroek kós waere dore auteriteite die 'm willen oetlevere veur meugelike Wikileaksgerelateerdje spionagepraktieke.

Canongate bewaerdje det 't kóntrak nag euver gèldj, ómdet Assange mit wèttelike regelinge instömdje veurdet t'r euver de gèldjzake van 't book koom.

Brónne[bewirk | brón bewèrke]

Aafkómstig van "https://li.wikinews.org/w/index.php?title=Óngeauteriseerde_autobiografie_van_Assange_verköp_slech/Veldeke&oldid=8829"