Ómslaag in hinnestal mót kómme door eierrobot
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 12 oktoeaber 2018 - Me wirk noe bie 'n aantaal aan Limbörgse bedriever aan 'ne robot. Deze mót gans zelfstenjig eier gaon rapen oeten hinnestal. De zoea-geneumdje EggCollector zal zoea werk oete henj gaon numme vannen hinnenheljer. Kómmendje vriedig wuuertj de robot prizzenteerdj oppe Brightlands Campus Greenport in Vinlo.
De robot dae liek eigentlik op 'ne groeate stöbzuger. Boeten eier rape kan me väöl mieë mit dit apperaat. De robot haet 'nen thermomaeter womit t'r kan rezjistreren of bepaoldje plaatsen inne stal te werm zeen, mer ouch haet t'r 'ne camera womit de hinnen inne gate kónne waere gehaje. Wen de hinne beveurbeildj krank zeen, den wuuertj det doorgegaoven ane ploemvieëheljer.
De oetvinjing wuuertj nej gevolg door väöl boere. 't Rape van eier mitte handj, die meis oppe gróndj ligke, nump väöl tied in beslaag, aafhenkelik vanne gruuedje vanne stal toet waal twieë oer of langer. Dezen tied kan door väöl boere baeter aan anger deil waere bestaedj. Me verwach det d'n EggCollector 't volgendj jaor inne ieëste hinnestel te zeen róndjvare zal zeen en oetèntelik mót t'r de standerd waere.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.