Ènjexames 354 vmbo-lierlinge óngeldig door valsje toetsing

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL
De lierlinge van de twie sjoele in Mestreech kinne de vaan neet oethange.

23 juni 2018 - Van in totaal 354 vmbo-lierlinge in Mestreech die ónlangs hun ènjexame höbbe gedaon, is gebleke det ze dit exame gaaroet neet hadde moge doon. Ze hadde daoveur neet alle vereisjde vakke aafgeróndj. Geine van hun krieg daoróm 'n diploma. De betrèffende lierlinge zitte op 't Sint-Mertenskolleesj en 't Porta Mosana Kolleesj.

De bal kwaam aan 't rolle naodet de Inspectie van 't Óngerrich op 14 juni - einen daag nao 't bekènd waere van de oetsjlaeg - waas getip gewaore euver 'ne lierling dae 'n ciefer had gekrege veur 'n ènjexamevak det hae neet had aafgeróndj. Veur bepaolde anger vakke bleek hae eins te höbbe gehaold. De Inspectie sjtèlde 'n naoder óngerzeuk in en käörde vandaag alle 354 aafgelagde exames aaf. De verantjwäördelikheid veur de fout ligk volstenjig bie de sjoel zelf, neet bie de lierlinge.

Per lierling zal noe dènkelik 'n individueel plan van aanpak waere opgesjtèld. E klein deil van hun haet mesjiens nog 'n sjans óm in augustus esnog te sjlage. Veur 't euvergroet deil zal 't in de praktiek aevel d'rop denaerkómme det zie 't ganse sjoeljaor mótte euverdoon. Of det op dezelfde sjoel es noe zal zeen is nog zier de vraog, gezeen alle ophöf dae dao is óntsjtange. Op de betrèffende sjoel waerde veurig jaor ouch al gebraeke geconstateerd. Zoewaal de lierlinge es hun eljers zeen hiel kwaod en teläörgestèld.

Interim-direktäör Loek van de Veen zaet de gank van zake versjrikkelik te vinje, meh voog d'raan toe det 't op zien sjoel "gein rommeltje" is: "V'r vergaete allein de regels waalèns".


Brónne[bewirk | brón bewèrke]



Dit artikel besleit aad nuujs.