Zes luuj gewónd naodet auto terras opveurt in Gennep

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Oetzich euver 't stadscentrum van Gennep.

Venlo - 'nen Auto is woonsdaagaovend rónd tieën oor e terras aan de Zandstraot in Gennep op gevare. Zes persoene zien gewónd geraak, waovan vief luuj lichgewónd. Ein persoen, de eigenaresse van de kefee waotoe 't terras behuurt, is nao 't krankehoes gebrach.

D'n besteurder ging direk nao 't óngeval vandoor. Volges getuge stapde iers twie persoene oet d'n auto.

De pliesie zóch ónder mier mit 'nen helikopter. Oetintelik kós d'n besteurder in Cuuk waere aangehalde, maakde de pliesie bekind. 't Geit um 'ne 19-jäörige man oet Otersóm, kórtbie Gennep. Ouk de verkammezäölde wagel waorin hae reej is in beslaag genómme.

Waodoor de wagel op 't terras terech kwaam, is nog neet bekind. Op 't terras woorte taofels en bloombek umvaer gevare. De hölpdeenste kwame massaal ter plaatse nao 't óngeval. De pliesie haet de umgaeving van 't terras aafgezat en is begós aan 'n ónderzeuk. Getuge, slachoffers en verdachte waere gehuurd.

Waornummend börgermeister Willibrord van Beek zaet in 'n reacte taege De Gelderlander det hae enorm waas geschrókke. "Ik laef mei mit de gewónde en de eigenaresse van de kefee. Verschrikkelik det dit gebeurt, net wie de terrasse aop zien."

Brónne[bewirk | brón bewèrke]



Dit artikel besleit aad nuujs.