VN bringk ierste versjlaag allertieje oet euver minsjerechte in Kasjmir

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL

19 juni 2016 - Aafgeloupe dónderdig höbbe de Vereinigde Naties (VN) 't ierste versjlaag allertieje euver Kasjmir oetgebrach, mit extra aandach veur versjèllende incidènte van bewaerde sjenjinge van minsjerechte in de lèste twie jaor in d'n Indische sjtaot Jammoe en Kasjmir, aevenes de door Pakistan behierde gebeje van Kasjmir, namelik Giglit-Baltisjtan en Azaad Kasjmir. 't Indisch Ministerie van Boetelandjse Zake (MEA) veroerdeilde 't 49 pazjena's tèllend rapport van 't VN-Kentoer van d'n Hoege Kómmesaer van Minsjerechte, en neumde 't "selektief", "hatelik" en "óngegróndj". 't Versjlaag vermeld sjenjinge van minsjerechte, woerónger marteling, opgelagde verdwieninge, seksueel euvertraejinge, administratief vashawtinge, sjenjinge van 't rech op gezóndjheid en óngerrich, aafwaezigheid van toegank tót justitie en willekäörige aanhawtinge, ónger anger dinger.

Zeid Ra'ad Al Hussein, d'n Hoege Kómmesaer van Minsjerechte van de VN, zag det hae wól gaon aandringe bie de Raod van de Minsjerechte van de VN óm "nao te dinke euver 't oprichte van 'n Kemissie van Enquête óm 'n ómvangriek, ónaafhenkelik internasjenaal óngerzeuk in te sjtèlle nao de aantieginge van sjenjing van minsjerechte in Kasjmir". Hussein kreeg neet de toesjtumming, neet door India noch door Pakisjtan, óm veur 't opsjtèlle van 't versjlaag de regio Kasjmir daodwirkelik te bezeuke.

Volges 't versjlaag waas Pakisjtan gevraog gewaore te sjtoppe mit "'t mèsbroek van anti-terreurwètgaeving óm die luuj te vervolge die zich bezig hawwe mit vreijeslevende politieke en börgerlike aktiviteite, en die luuj die óneinigheje ute." In juli 2016 doejde Indiase veiligheidstroepe Burhan Muzaffar Wani, de leijer van de Hizbul Mujahideen, dae proteste leijde in de Kasjmir-vallei. Es 'n antjwaord op dees proteste vuurde Indiase veiligheidstroepe mit metale sjeetmeisje, en hun aktiviteite leijde tót sjenjing van de minsjerechte, aldus 't rapport van de VN. In dit rapport waerde India ouch besjöldig van 't ónrechmaesig vermaorde van róndj de 145 börgers saer 2016. 't Versjlaag vroog India óm "volsjtendig 't rech op zelfbesjikking te respektere van de luuj van Kasjmir, es besjermp ónger de internasjenaal wètgaeving."

Brónne

"The Constitution of the Islamic Republic of Pakistan" — Pakistani Government, 17 juni 2018
"India thrashes UN report on Kashmir" — Deccan Herald, 15 juni 2018
"India slams UN report on human rights in J&K as 'fallacious, tendentious and motivated'" — Daily News and Analysis, 15 juni 2018
AFP. "UN rights chief calls for major probe into Kashmir abuses" — Dawn (Newspaper), 14 juni 2018
Stephanie Nebehay and Malini Menon. "United Nations urges inquiry into human rights violations in Kashmir" — Reuters, 14 juni 2018
"First-ever UN human rights report on Kashmir calls for international inquiry into multiple violations" — United Nations, 14 juni 2018
"Report on the Situation of Human Rights in Kashmir: Developments in the Indian State of Jammu and Kashmir from June 2016 to April 2018, and General Human Rights Concerns in Azad Jammu and Kashmir and Gilgit-Baltistan" — United Nations Human Rights, 14 juni 2018
Swati Gupta. "UN calls for international inquiry into human rights violations in Kashmir" — CNN, 14 juni 2018
Press Trust of India (PTI). "India rejects UN report on rights violation in Kashmir as 'fallacious'" — The Economic Times, 14 juni 2018
"Mirwaiz thanks UN for Kashmir report, says it was long overdue" — Greater Kashmir, 14 juni 2018
"230% increase in ceasefire violations: govt." — The Hindu, 20 december 2017
Jayanth Jacob and Aurangzeb Naqshbandi. "41,000 deaths in 27 years: The anatomy of Kashmir militancy in numbers" — Hindustan Times, 25 september 2017
Adarsh Sein Anand. "J&K is and shall be an integral part of India" — Ministry of External Affairs of India, 5 miert 2005
"Constitution of Jammu and Kashmir" — Legislative Assembly of Jammu and Kashmir, 12 miert 2003

Dit artikel besleit aad nuujs en maak deil oet van oos arsjief van nuujsberichte.