Ierste Minister Groet-Brittannië sjtèlt parlemèntssjtömming euver Brexitdeal oet
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
11 december 2018 - D'n Ierste Minister van Groet-Brittannië, Theresa May, haet op maondig in 't parlemènt aangekóndig de sjtömming euver de aafsjpraoke mit betrèkking tót 't vertrèk oet de Europese Unie in de House of Commons oet te sjtèlle, aangezeen die zölle waere verworpe mit 'n "significante marge".
De aankóndiging versjient nao d'n derden daag van de vief daag die gepland sjtinge veur de aafsjpraoke te besjpraeke in 't parlemènt. In häör aankóndiging geuf Theresa May aan det zie haet gekónstateerd det 't groetste puntj woe-op me 't ónèns is haet te make mit de "Backstop"-aafsjpraoke mit betrèkking tót Naord-Ierlandj, woebie dit gebeed binne de doeaanzone van de Europese Unie blief. May vertal de parlemèntslede det zie later dees waek zouw gaon euverlègke mit de leiders van de Europese Unie euver de zörg die zeen ge-uut euver de Backstop.
De Britse euverheid haet veurgesjtèld det de sjtömming weurt verzat nao jannewarie, meh hie is nog gein aankóndiging euver gekómme.
Brónne
[bewirk | brón bewèrke]- Theresa May calls off MPs' vote on her Brexit deal. BBC News, 10 december 2018
- Desperate Theresa May reveals her Brexit plan B: buy more time. Dan Sabbagh & Daniel Boffey - The Guardian, 10 december 2018
- Irish border question. Wikipedia, 11 december 2018
Dit artikel besleit aad nuujs en maak deil oet van oos arsjief van nuujsberichte.