Amerikaans Legerhoes erkènt genocide op Armeniërs
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
30 oktober - 't Amerikaans legerhoes haet de massamaord door Törke op Armeniërs erkènd es genocide. Bie zoewaal Democrate es ouch de Republikeine waor 't euvergroete deil veur de resolutie: 405 parlementariërs sjtemde veur, 11 taege.
De sjtemming zet de relatie mèt Törkieë opnuuj op sjerp. De Törkse minister van Boetelandse Zake Mevlüt Çavuşoğlu veroerdeilde 't besjloet en zag det 't 'nen "beteikenisloze sjtap" waor en 'n "paoging óm gesjiedenis te hersjrieve". Op d'n dinsdig daoveur goof 't ouch al 'n groete mierderheid veur nuuj ikkenomische sancties taege 't landj veur de recènteliken inval in 't Koerdische gebeed in Naord-Syrië.
De volkermaord op Armeniërs begós in 1915. Soldate van 't Ottomaans Rijk, de veurlouper van 't hujig Törkieë, vermaordde doe zikker mier es 1 miljoen Armeniërs. Törkieë zag det 't doe 'nen börgerkreeg goof in 't riek en det alle partieë zich sjuldig maakde aan kreegsmisdade.
't Landj reageert aevel ummer fel es anger lenj ouch euvergaon toet erkènning. Det gebeurde ouch wie de Twiede Kamer det begin veurig jaor deeg.
Brónne
[bewirk | brón bewèrke]- Huis VS erkent genocide op Armeniërs. NOS Nieuws, 30 oktober 2019
- US House overwhelmingly votes to recognize Armenian genocide. Lauren Gambino - The Guardian, 30 oktober 2019
Dit artikel besleit aad nuujs en maak deil oet van oos arsjief van nuujsberichte.