Runemuntj vónjen in Bor
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 augustus 2019 - William Posthouwer oet Bor haet inne buurt van zien heimdörp 'n zoea-geneumdje sceattamuntj oete gróndj gehaoldj. De sjattezeuker vónj de muntj mit ziene metaaldetector. Wo d'r de muntj próntj haet vónje zaet t'r neet, went hae haop dao nammieë te vinje sónger gaapnaze d'rbie.
Waat de vónjs biezunjer maak is neet allein de lokaasje, Limbörg, mer ouch de saort. De sceattamuntj, sceatta is 'n Aadfries waord veur sjat, is vanne kóntinentaalrunetuup, geslage róndj 't jaor 700. Dewiel in Nederlandj zoea 3000 sceattamuntje zeen vónje, zeen daovan slechs e paar hóngerd van daen tuup. Vanne sceattamuntjen in Nederlandj, guuef 't slechs 24 in Limbörg, wovan slechs veer vanne kóntinentaalrunetuup. Wiezoea de muntje hie bie ós min waere vónjen is mekkelik oet te lègke; de Merovingische muntje woorte geslage dore Frieze. Dees laefdje in daen tied ane kös vanne Naordzieë; van Zieëlandj toet in Denemarke, meh dus neet in Limbörg.
De hujige waerd vanne muntj is veural sentimenteel. Wie de muntj nag es betaalverkieër woort gebroek kós me mit 36 sceattamuntjen 'n koe koupe, mit 84 e zwaerd en mit 144 e paerd.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.