Neuge luuj doead bie aerdsjóddel Iraan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 26 fibberwarie 2020 - Bie 'nen aerdsjóddel in 't grensgebied van Iraan en Törkieje zeen sónjis smörges zeker neuge luuj doead gebleven en mieër es hóngerd verlets gewore. Alle doeaj luuj, worónger veer kinjer, zówwe zeen gestórven in Törkieje. Gans biejein woorte mieër es hóngerd stej en dörper getróffe dore sjóddel.
De aerdsjóddel haw plaats róndj 9:32 lokalen tied en haw 'n kraf van 5,9 oppe sjaol van Richter. 't Epicentrum laag inne buurt van Choi, 'n stad in 't naordwèste van Iraan. Wiejer tróf de sjóddel veural de Törkse pervinsje Van. In Törkieje zeen mieër es doezjend geboewen inein gevalle. Intösse zówwe gein luuj mieër óngere puun ligke.
Nao de sjóddel kome nag e deil naosjoekke, worónger eine mit 'n kraf van 6,0 dae tieën oer nao d'n ieëste sjóddel kwaam. 't Is nag óndudelik of deze nuje sjóddel sjaaj of slechoffers haet gemaak.
't Oeaste van Törkieje is geveulig veur aerdsjóddele. De lèste maondj bleve mieër es fieërtig luuj doead door 'nen aerdsjóddel bie Ellazu.
Brónne[bewirk | brón bewèrke]
- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Doden en gewonden bij aardbeving in Turkije en Iran. NRC Handelsblad, 23 fibberwarie 2020
- Earthquake in Turkey-Iran border region kills nine, injures more than 100. Irem Koca & Jonathan Spicer - Reuters, 23 fibberwarie 2020
- Negen doden bij aardbeving op grens Turkije-Iran. NOS Nieuws, 25 fibberwarie 2020
- 694 buildings severely damaged in Van after earthquake: Minister. Hürriyet Daily News, 24 fibberwarie 2020
- Turkey earthquake: Nine killed as 5.7-magnitude quake strikes near Iran border. The Independent, 24 fibberwarie 2020
Dit artikel besleit aad nuujs en maak deil oet van oos arsjief van nuujsberichte.