Nege Nederlandse zörgmètwèrkers gesjtorve aan coronavirus, totaal aantal doeje sjtieg bis 4795

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL.

Zikker nege Nederlanders die inne zörg wèrkde, zien gesjtorve aan 't coronavirus. Zes van häör hadde al gezóndheidsklachte, vanne drie anger is det neet bekindj. Det maak 't Rieksinsjtituut veur Volksgezóndheid en Miljeu (RIVM) dónderdigmiddig bekindj. Bie 13.884 is 't coronavirus vasgesjteld gewaore. Van häör zien 458 in krankehoezer opgenome. 't Geit bieveurbeeld óm artse, verpleegkóndige en hoesartse. Woe ze 't virus höbbe opgeloupe, is neet bekindj.

't Totaal aantal Nederlanders det aantuinbaar door 't coronavirus is euverleje, noom huuj toe bis 4795. 't RIVM kreeg 84 nuuj meldinge binne euver gehiemelde patiënte.

Inne officieel registratie sjtaon allein luuj die veur häören doed positief zien getes op 't virus. 't Werkelik aantal gehiemelde ligk waarsjienlik väöl hoeger. Ouch weure sjtörfgevalle döks einen of mierder daag later doorgegaeve ane GGD.

't Aantal meldinge is lieger es goonsdig, wie 't RIVM 145 sjtörfgevalle meldde. Det rilletief hoeg aantal had te make mèt 't feit det 't weekend einen daag langer doerde door Keuningsdaag. In weekende weure ömmer minder sjtörfgevalle doorgegaeve es doordeweeks.

't RIVM kreeg dónderdig wiejer 84 nuuj meldinge euver krankehoesopnames. 't Totaal aantal sjteit noe op 10.769 krankehoesopnames.

Euver 't algemein nump 't aantal krankehoesopnames in Nederlandj aaf, maar Braobentse krankehoezer zeen zjuus 'n lichte sjtieging in 't aantal nuuj patiënte mèt 't virus. "Det baart ós väöl zörg", zaet 'ne waordveurder van Netwerk Acute Zorg Brabant (NAZB). "Väöl luuk liekene te dènke det 't veurbie is, maar de sjtried is nog lank neet gesjtreje."

De krankehoezer vraoge ederein zich ane veurzörgsmaotregele te haje, wie aafsjtand beware tot anger luuj en zich de henj wasse. "Prima es luuj de deur oetgaon, maar haaj waal dae angerhave meter aafsjtand", zaet de waordveurder van NAZB.

Veural veur ajer luuj is 't virus rilletief dök doejelik. Jóng luuj zien väöl minder kwetsbaar, zoe bliek dageliks oete ciefers. Van alle gehiemelde die bie 't RIVM bekindj zien, waor sjlechs 0,7 percent ónger de vieftig. 't Aantal krankehoesopnames van luuj ónger de vieftig bedruueg 12,3 percent van 't totaal.

Brónne[bewirk | brón bewèrke]


Dit artikel besleit aad nuujs en maak deil oet van oos arsjief van nuujsberichte.

Aafkómstig van "https://li.wikinews.org/w/index.php?title=Nege_Nederlandse_zörgmètwèrkers_gesjtorve_aan_coronavirus,_totaal_aantal_doeje_sjtieg_bis_4795&oldid=14970"