Baksilleringsgraod in Limbörg ligk te lieëg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 9 april 2019 - 't Mieërendeil vanne Limbörgse gemèndjes haet 'ne te lieëge baksilleringsgraod taenge bof, mazelen en roeajen hóndj. Veur twieëderdje ligk det namelik óngere 95 percent, de óngergrens vanne Werreldgezóndjheidsorganisaasje. De aafgeloupe jaore daaltj de baksilleringsgraod ummertoe mieër, ómdet eljers op internetsites laeze det de baksilleringsmiddele neet tegooj wirken of zelfs sjajelik kónne zeen. Veur Limbörg ligk allein in 't naorde de baksilleringsgraod hoeag zat; inne Wèstelike Mienstreek ligk t'r 't leegste.
De baksilleringsgraod haet 'n algemein belank. Wie mieë kinjer zeen baksilleerdj wore taenge bestumdje gekrenkdje, wie minder de gekrenkdje veurkump bie kinjer die neet zeen baksilleerdj wore: det kónne kinjer zeen die te jónk zeen veure baksillering, esouch kinjer wobie de baksillering neet tegooj wirk. Dore groepsimmuniteit zeen dees ouch besjurmp.
Veural de mazele hèltj good hoes. In D'n Haag is de gekrenkdje opgedaoken in 'ne kresj. Ei neet-baksilleerdj kindj leep die gekrenkdje op in 't boetelandj en daonao woorte nans drie neet-baksilleerdje kinjer besmet. 't Bildj det ummertoe mieë besmettinge veurkómme wuuertj bevestig. Dit is e bildj det me trögkvindj in gans Europa en haet te make mit det baksillering gein verplichting is. 't Verbód op baksilleringsweigering wuuertj noe väöl bespraoke, went 't bringk de vouksgezóndjheid inne gedrang.
Brónne[bewirk | brón bewèrke]
- Vaccinatiegraad in meeste Limburgse gemeenten onder norm. Maura Laarman - 1limburg, 8 april 2019
- Vaccineren: Als argumenten niet werken, dan verplichten. Lex van Moorsel - 1limburg, 8 april 2019
Dit artikel besleit aad nuujs en maak deil oet van oos arsjief van nuujsberichte.