Aldste Praxis van Nederland sluut zien deure: filiaal in Venlo ind dit jaor toe

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Venlo - 7 miert 2020, de Praxis in Venlo verdwient aan 't ind van 't jaor in 't Trefcenter en keert neet truuk op 'n andere plek in de stad. Praxis Nederland zaet per 31 december de huureuvereinkóms van 't filiaal aan de Numwaegsewaeg op.

De filiaalmanager in Venlo bevestig de sloeting. Vaerder wilt hae dao niks euver kwiet. "Weej wille iers dit slechte niets verwerke as team." 't Personeel is gister ingelich gewaore euver de beslissing van 't houfkentoeër um 't filiaal ind dit jaor te sloete. Praxis Venlo waas in 1978 de ierste lokasie veur de doon-'t-zelfzaak in Nederland. De vestiginge in Venraoj en Remund blieve waal aop.

Welke gevolge de sloeting van 't filiaal haet veur 't personeel, is nog neet gans dudelik. 'ne Waordveurder van Praxis luuet weite det de kete veurnemes haet um zoeëvuuel meugelik werknemers euver te plaatse. Werknemers mit 'n vas contrak kinne aan de slag beej 'n filiaal in de regio, in dit geval in Venraoj of Remund, of in 'n ander vestiging es zeej daotoe bereid zien. Veur minse mit 'n tiedelik deensverband guf 't minder haop: eur contrakte waere per 31 december stopgezat.

'ne Waordeveurder van vakbond FNV bevestig det individueel gesprekke zulle waere geveurd mit werknemers euver euverplaatsing nao 'n ander filiaal. Volges eur lieke gen gedwónge óntslage te valle.

De sloeting van 't filiaal in 't Trefcenter is neet los te zeen van de kóms van de Pruse bouwmert Bauhaus aan de Laurens Janszoon Costerstraot. Saer Bauhaus in 2018 zien deure äöpende, kamp Praxis mit taegevallende resultate. "Smeis mótte weej door extern factore besloete det bestaonde lokasies op de langen termien gen bestaonsrech mier höbbe", luuet 'ne waordveurder van Praxis weite.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.